विराटनगर, १० माघ । प्रदेश १ मा एक साताको अवधिमा ४९ जना कोरोना संक्रमित थपिएका छन् । माघ ४ गते आइतबार देखि माघ १० गते शनिवार सम्म ४९ जनामा संक्रमण देखिएको हो ।
एक साताको अवधिमा मोरङमा १६, झापामा १०, सुनसरीमा ९, संखुवासभा र भोजपुरमा २–२ र इलाम र पाँचथर १–१ र प्रदेश १ बाहिरका ८ जनामा संक्रमण देखिएको सामाजिक विकास मन्त्रालयले जनाएको छ । हालसम्म संक्रमितको संख्या ३० हजार ११९ पुगेको छ ।
एक सातामा १०२ जना डिस्चार्ज भएका छन् । हालसम्म २९ हजार ५५८ जना डिस्चार्ज भएका छन् । मन्त्रालयका अनुसार अहिले सक्रिय संक्रमितको संख्या ९६ जना रहेको मन्त्रालयले जनाएको छ ।
एक सातामा १ हजार ७९६ जनाको पीसीआर परीक्षण गरिएको छ । हालसम्म २ लाख १५ हजार ४८२ जनाको पीसीआर परीक्षण गरिएको सामाजिक विकास मन्त्रालयले जनाएको छ ।
