बागलुङ, १९ चैत । बालिका बलात्कार आरोपमा बागलुङ प्रहरीले ८० वर्षीय वृद्धलाई पक्राउ गरेको छ । काठेखोला गाउँपालिका–१ की १५ वर्षीय बालिकालाई स्थानीय वृद्धले बलात्कार गरेको उजुरीपछि प्रहरीले पक्राउ गरेको जिल्ला प्रहरीका सूचना अधिकारी इकवाल हवारीले बताए ।
मल बोक्न हिँडेकी बालिकालाई बलात्कार गरेको देखेको भन्दै स्थानीयले प्रहरीमा उजुरी दिएका थिए । चैत १२ गतेको घटना भए पनि ढिला उजुरी आएपछि प्रहरीले बुधवार मात्रै उनलाई पक्राउ गरेको हो । वृद्धले आरोप अस्वीकार गरे पनि स्थानीयले भिडियो खिचेको भेटिएको प्रहरीले जनाएको छ । पीडित बालिका स्वास्थ्य परीक्षणपछि घर फर्केकी छिन् ।
