पूर्वोत्तर मोरङका स्थानीय पालिकाका प्रमुखहरूको अन्तरपालिकास्तरीय बैठक सम्पन्न

कोरोना महामारीलाई परास्त गर्न सबै एक भएर अघि बढ्ने निर्णय

कोरोना महामारीलाई परास्त गर्न सबै एक भएर अघि बढ्ने निर्णय

बेलबारी, २१ वैशाख । कोरोनासँग कसरी जुध्ने भन्ने निर्णय गर्न बसेको बेलबारी, सुन्दरहरैँचा लगायतका स्थानीय पालिकाहरूका प्रमुखहरूको अन्तरपालिकास्तरीय बैठक सम्पन्न भएको छ । 


बेलबारी नगरपालिकामा बसेको उक्त बैठकले कोरोना महामारीलाई परास्त गर्न सबै एक भएर अघि बढ्ने निर्णय गरेको छ । तर लकडाउनको सामूहिक निर्णय आउने आसा गरिए पनि बैठकले पालिकाले आफ्नो अनुकूल हेरेर निर्णय गर्ने निर्णय भएको बेलबारी नगरपालिकाका प्रवक्ता योगेन्द्र सुवेदीले जानकारी दिएका छन् ।  ।  


बैठकमा बेलबारी, सुन्दरहरैँचा, केराबारी, लेटाङ, कानेपोखरी, पथरिशनिश्चरे, उर्लाबारी र मिक्लाजुङका प्रमुखहरू बैठक भनिए पनि उर्लाबारीका प्रमुख भने बैठकमा अनुपस्थित रहेका थिए । 


कोरोना कुनै एउटा स्थानीय पालिकाको मात्र नभएर साझा समस्या भएकोले त्यससँग लड्न पनि सामूहिक अठोट र प्रतिबद्धता चाहिने भएकोले विशेष गरेर पूर्वोत्तर मोरङका स्थानीय पालिकाहरूका प्रमुखहरूको बैठक बसिएको बेलबारी नगरपालिकाका प्रमुख ज्ञानेन्द्र सुवेदीले जानकारी दिएका छन् । 

प्रतिक्रिया दिनुहोस्