अछाम, २५ असोज । जन्ती बोकेको जीप दुर्घटना हुँदा अछाममा चार जनाको मृत्यु भएको छ छ । सुदूरपश्चिम प्रदेश ट्राफिक प्रहरी कार्यालय अत्तरियाले दुर्घटनामा परेर पञ्चदेवल विनायक नगरपालिका–३ का १८ वर्षीय जीवन जैसी, १८ वर्षकै सर्व बोहरा, २१ वर्षीय जीवन न्यौपाने र १७ वर्षीय हिमाल नेपालीको मृत्यु भएको जनाएको छ ।
जिल्लाको पञ्चदेवल विनायक नगरपालिका–१ मा आइतबार राति ११ बजेतिर जन्ती बोकेर विनायक बजारतर्फ फर्किने क्रममा से १ च १७६३ नम्बरको जीप दुर्घटना परेको थियो ।
दुर्घटनामा परेर घाइते भएका १४ जनालाई थप उपचारका लागि राति नै नेपालगन्ज रेफर गरिएको छ । उनीहरूमध्ये केहीको अवस्था गम्भीर रहेको प्रहरीले जनाएको छ ।
