मोरङ, ३० पौष । मोरङको लेटाङबाट भरुवा बन्दुकसहित एक जनालाई पक्राउ गरिएको छ । पक्राउ पर्नेमा मोरङ मिक्लाजुङ गाउँपालिका ५ का ६० वर्षीय इन्द्रबहादुर राई रहेको प्रहरीले जनाएको छ ।
अस्थायी प्रहरी चौकी जाँतेबाट खटिएको प्रहरी टोलीले आज (शुक्रवार) राईलाई नगरपालिका ९ मा रहेको वसन्त हरियाली सामुदायिक बनबाट भरुवा बन्दुकसहित पक्राउ गरेको थियो । उनको साथबाट प्रहरीले लोड भएको ३ नाल भरुवा बन्दुक, २ डब्बाका बारुद, १८ थान गोली, ५ पोका छर्रा, १ थान खुकुरी, १ थान गेटिस बरामद गरेको छ ।
पक्राउ परेका राईलाई इलाका प्रहरी कार्यालय लेटाङले हिरासतमा राखेर थप अनुसन्धान भइरहेको छ ।
